Borussia Dortmund thuhet se është gati të përfundojë sagën më të lodhshme të transferimit të vitit dhe të pranojë një çmim më të ulët për Jadon Sancho.

Sancho ka qenë objektivi më i madh i Unitedit këtë verë, por edhe përkundër shumë tentativave, një transferim nuk është materializuar.

Megjithatë, saga për transferimin e anglezit në Old Trafford mund të mbyllet së shpejti me një marrëveshje mes klubeve.

Sipas mediumit The Sun, Dortmundi mund të jetë i gatshëm të ulë kërkesat e tyre nga 108 milionë funte në 95 milionë funte, me të paktën 80 milionë funte që do t’i paguheshin me para dhe pjesa tjetër si bonuse.

I njëjti raporton pretendon gjithashtu se lojtari beson se ai do të jetë një lojtar i Unitedi deri në kohën kur afati kalimtar mbyllet në ora 23:00 të hënën.

“Ai dëshiron që kjo marrëveshje të bëhet. Ai i ka thënë agjentit të tij dhe këshilltarëve të ndryshëm të bëjnë gjithçka që munden për ta realizuar atë”.

“Ata po bëjnë presion për të”, i ka thënë një burim gazetës angleze.

Deri më tani këtë sezon, Ole Gunnar Solskjaer ka shtuar vetëm Donny van de Beek në skuadrën e tij, agjenti i të cilit është irrituar tashmë që holandezi nuk po merr kohën e mjaftueshme të lojës.

Skuadra ka luftuar tashmë dhe ka humbur ndeshjen e tyre të parë ndaj Crystal Palace, para se të kishte nevojë për një penallti të diskutueshme në shtesë për të mposhtur Brightonin.

Ata gjithashtu kanë qenë të lidhur shumë me Alex Telles dhe Ousmane Dembele. /Telegrafi/